Këshilltari i LDK-së në Asamblenë Komunale në Prizren, Qemal Krasniqi fajëson drejtuesit e partisë së tij, për humbjen e zgjedhjeve në këtë qytet. Ai i fton anëtarët e partisë, që të ‘zgjohen nga gjumi’ dhe të bëjnë ndryshime në LDK.
“LDK-ja në Prizren ka shumë nevojë për ndryshime. Nuk mundet me funksionu e me fitu ma pallavra e paçavra”.
“LDK-ja në Prizren nuk mundet me pas sukses duke i maltretuar dhe duke i injoruar skajshmerisht aktivistat . LDK-ja nuk mundet me fitu në Prizren , duke i anashkaluar njerëzit që i sjellin vota LDK-së “, shkruan Krasniqi në Facëbook, duke bërë polemika me anëtarët e partisë së tij.
Krasniqi nuk është i kënaqur as me angazhimin e LDK-së, që ka bërë gjatë fushatës zgjedhore.
“LDK-ja nuk mundet me e fitue Prizrenin, sepse filloi dhe perfundoi fushata zgjedhore pa dal mbi gjysma e Kryesisë asnjë ditë në fushatë. LDK-ja nuk mundet me fitu, sepse nuk ka funksionuar as Forumi i Gruas e as Forumi i Rinisë”.
Krasniqi thotë se LDK-ja është ‘zaptuar’ nga njerëzit që nuk sjellin vota.
Me këtë vlerësim të Krasniqit, ndërkaq nuk pajtohet anëtari i LDK-së, Agim Muçaj. “ Për katër vjet si këshilltar çfarë ke bërë për LDK-në? Është mirë njeriu ma së pari me kritiku vetën e mandej të tjerët…”. /PrizrenPress.com/