9.8 C
Prizren
E premte, 29 Mars, 2024

Krasniqi: Po përgatisim edhe klinika të tjera për të përballuar fluksin e pacientëve me Coronavirus

Drejtori i SHSKUK-së, Valbon Krasniqi, ka thënë se që nga 1 marsi ka pasur rritje të raste të të infektuarve duke shtuar kështu edhe numrin pacientëve në spitale.

Ai ka thënë se sot në nivel të vendit janë mbi 740 pacientë që janë duke marrë shërbime e që janë të infektuar me COVID-19.

Krasniqi ka thënë se për 15 ditët e fundit janë shtuar 200 pacientë më shumë në klinikat e vendit, duke e quajtur këtë ngarkesë për sistemin shëndetësor.

“Jemi duke përgatitur edhe klinikat e Internos që të përballojmë fluksin e pacientëve. Klinikat janë pothuajse të përmbushura edhe në Klinikën Infektive, Pomologjinë edhe atë sportive. Në të njëjtën kohë edhe spitalet e përgjithshme janë jashtëzakonisht të ngarkuara”, ka thënë ai në KTV.

Krasniqi ka thënë se për ndërtimin e spitalit COVID Ministria e Shëndetësisë kishte filluar procedurat për shndërrimin e një spitali që po ndërtohet porse një gjë e tillë nuk ka ndodhur.

Ai tutje ka shtuar se është bërë më shumë se një vit që Kosova ka regjistruar rastet e para me COVID-19, duke shtuar se tashmë është bërë e qartë sesa herë që nuk respektohen masat atëherë rriten rastet me koronavirus.

Krasniqi ka thënë se kohëve të fundit ka një relaksim të madh të të gjithëve, duke shtuar se edhe pacientët që po rezultojnë pozitiv me COVID-19 nuk po izolohen.

Më Shumë

AAK merr iniciativë për shkarkimin e Qeverisë Kurti, përgatit mocion mosbesimi dhe Rezolutë

Aleanca për Ardhmërinë e Kosovës me rastin e 3 vjetori të Qeverisë Kurti, ka prezantuar një mocion të mosbesimit ndaj Qeverisë se Kosovës. shkruan...

Trepça bindëse ndaj Bashkimit

Klubi basketbollistik Trepça ka shijuar fitoren e 20-të radhazi, duke mposhtur këtë herë Bashkimin me rezultat 92:78 (37:23, 9:25, 23:13, 23:17). Mitrovicasit janë duke vazhduar...

Lajmet e Fundit