15.8 C
Prizren
E martë, 16 Prill, 2024

Kryetar i Malishevës, unë

RagipBegaj-IQPMRagip Begaj, kandidat për kryetar të Malishevës nga Iniciativa Qytetare për Malishevën (IQM), është shprehur i kënaqur me rezultatin e zgjedhjeve lokale të 3 nëntorit që ka shënuar kjo iniciativë në këtë komunë.

Begaj gjatë një bisede për “Epokën e re” ka thënë se ka pritur të fitojë pa balotazh. “Në bazë të analizave dhe takimeve me qytetarë, mund të them se kemi pritur të fitojmë më shumë vota. Megjithatë, rezultati i zgjedhjeve të 3 nëntorit ka qenë i kënaqshëm.

Personalisht kam pritur se do ta fitojmë Malishevën pa balotazh. Sidoqoftë, ky rezultat është një fitore e madhe për IQM-në dhe qytetarët e Malishevës”, ka deklaruar Begaj. Në këtë kontekst, Begaj ka thënë se pa fije dyshimi pas 1 dhjetorit do të qeverisë me komunën e Malishevës.

“Pasi qytetarët më kanë përkrahur jam i bindur se për katër vjetët e ardhshëm do ta qeverisim Malishevën”, ka thënë Begaj, duke shtuar se në balotazh qytetarët e Malishevës do ta mposhtin Sali Morinën e LDK-së, i cili është në garë për të parin e kësaj komune.

“Qytetarët do ta mposhtin, jo unë. Qytetarët e Malishevës do ta japin besimin për IQM-në ashtu siç e kanë përkrahur fuqishëm në raundin e parë të zgjedhjeve”, është shprehur Begaj. Ai ka thënë se për raundin e dytë të zgjedhjeve nuk është duke menduar të lidhë koalicion me ndonjë parti politike.

Begaj ka bërë me dije se koalicionin për balotazh do ta bëjë me qytetarët e Malishevës. “Do të bëjmë koalicion me qytetarët e Malishevës. Pres përkrahje prej të gjithëve. Jam shumë i bindur se do të dalim edhe më të fuqishëm.

Njëherë nuk do ta kërkojmë përkrahjen e PDK-së. Nuk kemi shumë nevojë. Ata i kanë 25 për qind të votave dhe nuk kanë çka të na japin. Besoj se edhe me dashtë me u marrë vesh ata nuk mund të merren vesh mes vete”, ka thënë Begaj.

Më Shumë

Pse e sulmoi Irani Izraelin?

Ben Blushi Sulmi i Iranit kundër Izraelit do të mbahet mend si një ngjarje në të cilën ai që sulmon ka më shumë frikë se...

Bashkimi synon barazimin e serisë ndaj Yllit

Skuadra e Bashkimit nuk do ta ketë aspak misionin e lehtë në mbrëmje kur të përballet me Golden Eagle Yllin në kuadër të serisë...

Lajmet e Fundit