Kryetari i ri i Degës së Partisë Demokratike të Kosovës në Suharekë, Ramë Vataj, ka treguar arsyet e rikthimit në politikë pas pesë vjetësh.
Në një intervistë për gazetën “Epoka e re”, ai ka thënë se marrja e politikanëve të padijshëm me çështje akademike ka qenë arsyeja kryesore pse ka vendosur sërish të merret me jetën politike.
Sipas tij, nuk duhet lejuar që politikanët analfabetë të vendosin për rektorë, profesorë apo për pozita të larta në universitetet publike.
Vataj ka shprehur optimizëm se do ta fuqizojë PDK-në në këtë komunë, me aderime të reja, dhe kthimin e aktivistëve dhe anëtarëve të there në ‘shtëpinë e vjetër’.
Ai ka thënë se PDK-ja në përfundim të procesit të zgjedhjeve të brendshme do të dalë më e fortë dhe më e konsoliduar se të gjitha partitë e tjera.
Vataj ka pohuar se zgjedhjet në nivel kombëtar janë afër.