Kryetari i Degës së Lidhjes Demokratike të Kosovës, në Prizren, njëherësh kandidat për kryetar të këtij qyteti, Eqrem Kryeziu, ka thënë për “Epoka e re” se, më në fund, ka mbështetjen për balotazh të kryetarit të Bashkimit Demokratik, Zafir Berisha.
“Po, kemi arritur koalicion. Në orën 17:00 do të tubohemi për të zyrtarizuar koalicionin”, ka thënë Kryeziu.
Ai është shprehur i bindur se me këtë koalicion do të dalë fitues në rundin e dytë, më 1 dhjetor. “Vallahi shpresat janë të mëdha. Sigurisht se do të fitoj. Besoj se do t’i tejkalojmë PDK-në dhe të tjetër me nja 4000 mijë ose 5000 mijë vota”, ka thënë Kryeziu. Ai ka thënë se në konferencën me gazetarë do të flasë më gjerësisht rreth koalicionit.