23.8 C
Prizren
E martë, 9 Gusht, 2022

“DokuFest” shfaq filma në festivalin “Free Zone” në Beograd

DokuFest6-26“DokuFest” prezantoi një program të filmave në festivalin “Free Zone”, i cili u mbajt në Beograd më datat 7-11 nëntor. Veton Nurkollari nga “DokuFest” u ftua të kuroj një program i cili do të prezantonte prodhimet filmike kontemporane të Kosovës.

Programi përfshiu filmat “Tatita” nga kolektivi i filmëbërësve Kolektiva; “Kaseta e Dasmës” nga Ariel Shaban; “Nusja Jonë” nga Nita Deda dhe Yll Çitaku; “Kolona” nga Ujkan Hysaj; “Zibidi” nga Nart Zeqiraj; “Portreti i Humbur” nga Lulzim Zeqiri; “Mbretëria e Qymyrit” nga Antoneta Kastrati dhe Casey Cooper Johnson; “Gjermant ma kanë pak tutën” nga Alban Muja dhe “Balkan Express” nga Bar?? Karamuço.

Përveç këtij programi, filmat të cilët u prodhuan nga nxënësit e shkollave të mesme me anë të projektit të DokuFest “Shkolla dhe Filmi Dokumentar”, u shfaqën në programin “The Future is Here”. Programi përfshiu filmat e shkurtër të krijuar nga autorë të rinj nga i gjithë rajoni të cilat u prodhuan me anë të punëtorive filmike të festivalit “Free Zone” në Beograd, “Pravo Ljudski” në Sarajevë dhe “DokuFest” në Prizren.

Festivali “Free Zone” përfshin filma nga e gjithë bota të cilët adresojnë të drejtat e njeriut duke bërë bashkë filmëbërës të vlerësuar, eskpertë lokalë dhe publik regjional dhe ndërkombëtar.

Më Shumë

Lajmet e Fundit