Drejtori ekzekutiv i KDI-së, Ismet Kryeziu, ka kritikuar deputetët e Kosovës për indiferencë ndaj situatës në veri.
Në profilin e tij në “Facebook”, ai ka shkruar se ligjvënësve të Kosovës nuk po iu bëjnë përshtypje zhvillimet në veri.
Sipas tij, ata Kuvendin e Kosovës e kanë shndërruar në platformë të pagave dhe hobi.
“Deputetët e Kuvendit i kanë shti veshët në lesh ose janë të nxanë duke u këshilluar me asistentët e tyre, totalisht inferior dhe s`po ju bëjnë aspak përshtypje zhvillimet në veri, politikat që po i ndjek qeveria e as veprimet diplomatike të partnerve tanë ndërkombëtar. Kuvendin si institucion të diskutimeve, politikave e veprimeve e kanë bërë si platformë të pagave dhe hobi kur të kenë kohë e jo kur kanë nevojë qytetarët e Republika”, ka shkruar Kryeziu.