105 punëtorë që ishin angazhuar në Ministrinë e Kulturës dhe Rinisë dhe Sportit gjatë qeverisës “Mustafa” me marrëveshje për shërbime të veçanta, janë shkarkuar të premtën e kaluar nga ministri i MKRS-së Kujtim Gashi.
Kështu kanë bërë të ditur për “Gazeta Blic” burime brenda këtij dikasteri. Sipas këtyre burimeve, të shkarkuarit kanë qenë kryesisht anëtarë dhe simpatizantë të LDK-së, të cilët në atë kohë ishin angazhuar me një vendim të ministrit të atëhershëm të MKRS-së, Kujtim Shala.
“Të premtën ministri i MRKS-së Kujtim Gashi, ka marrë vendim që të shkarkohen të gjithë punëtorët që janë angazhuar me kontratë – marrëveshje për shërbime të veçanta në vitin 2015 nga ish-ministri Shala”, pohuan burimet brenda MRKS-së.
“Gazeta Blic” ka kontaktuar zyrtarët për informim të MKRS-së mirëpo këta të fundit nuk janë përgjigjur në pyetjet e redaksisë.Një nga të shkarkuarit nga kjo ministri, në kushte anonime deklaroi për “Gazeta Blic” se vendimi i ministrit Gashi për shkarkimin e tyre ka qenë me prapavijë politike, pasi që siç tha ai “në krye të kësaj ministrie është një njeri i PDK-së dhe nuk do që të punojë me njerëz të subjekteve tjera politike, e ne kemi qenë anëtarë të LDK-së.
”Ndryshe, Qeveria e Kosovës ka marrë mbështetjen e 61 deputetëve të Kuvendit të Kosovës për të udhëhequr me vendin më 9 shtator. /Gazea Blic/