Blendi Kurteshi do të jetë kandidat i Vetëvendosjes për kryetar të Sharrit. Emërimi i tij është bërë sot nga lideri i VV-së, Albin Kurti.Kurtishi tha se mungesa e politikave zhvillimore, keqpërdorimi i parasë publike, politizimi i sektorit publik, papunësia dhe varfëria e madhe, nepotizmi, e të tjera kanë bërë që qytetarët e Sharrit të jenë shumë të pakënaqur me udhëheqësin e deritashme. “Kjo pakënaqësi duhet të kthehet në organizim të fuqishëm shoqëror e politik, në mënyrë që t’i bëjmë ndryshimet e nevojshme në këtë komunë. Në qytetin tonë ka mundësi për të punuar, ka mundësi për tu zhvilluar. Ne kemi planin, ekipin, vullnetin, përkushtimin e dëshirën për ta bërë këtë”, tha Reshiti.
Sipasi tij, politikat e deritashme të udhëheqjes komunale nuk kanë sjellë rezultatet e pritura nga qytetarët, pavarësisht premtimeve të dhëna gjatë fushatës zgjedhore. “Shëndetësia, bashkë me arsimin dhe mirëqenien sociale, është njëra nga tre faktorët që përcakton cilësinë e jetës së qytetarit. Ne, angazhohemi për jetë shumë më të mirë të qytetarëve të Sharrit. Prandaj, ne do të bëjmë ç’është e mundur, për ta realizuar cilësinë e shërbimeve shëndetësore”, u shpreh Kurtishi.
Lideri i VV-së, Albin Kurti tha ndërkaq se Bledi Kurtishi është zgjedhja e duhur, dhe e përbashkët. “Zhvillimi i bujqësisë duhej të ishte prioritet i secilit pushtet lokal në këtë komunë, nuk është vërejtur ndonjë strategji zhvillimore deri më tani. Toka kolektive, sikurse ajo e Mejdanit, ku më parë është kultivuar gruri apo patatja, ka një hapësirë e madhe prej 300 hektarësh që tash e sa vjet nuk shfrytëzohet”, tha Kurti.
Ai tha se koncept themelor i Lëvizjes Vetëvendosje! për bujqësinë është krijimi i një tregu tërësisht të integruar midis Kosovës dhe Shqipërisë, që nënkupton koordinimin e politikave qeverisëse dhe kuadrit ligjor që rregullon këtë sektor në të dyja vendet. “Në planin e brendshëm, me qëllim të futjes së ekspertizës profesionale, do të bëhet lidhja e prodhuesve bujqësor me Fakultetin e Bujqësisë dhe Veterinarisë, si dhe Institutet tjera bujqësore, hulumtuese dhe shkencore. Kjo do të prodhonte për shtetin e Kosovës ngritje ekonomike përmes rritjes së prodhimit vendor dhe akumulimit të kapitalit në vend, mirëqenie të qytetarëve duke ulur shkallën e papunësisë dhe të varfërisë, si dhe stabilitet politik që bazohet në ekonomi të qëndrueshme”, tha Kurti. /PrizrenPress.com/