Kryetari i Lëvizjes Vetëvendosje! Albin Kurti është takuar me bashkëatdhetarët në Prizren.
Ai tha se mërgata është kontribuuesja më e madhe ekonomike, pasluftës në Kosovë.
“Mërgata është kontribuuesja më e madhe e pasluftës në ekonominë e vendit ndërkohë është neglizhuar komplet nga qeverisjet e deritanishme, madje është rrjepur që nga hyrja në kufirin e vendit të tyre”, tha Kurti, shkruan “PrizrenPress”.
Kurti ka folur edhe për rënien e Qeverisë “Haradinaj”.
“Me rënien e kësaj qeverie më të madhe të pasluftës sa i përket kabinetit por edhe korrupsionit Kosovës i ndalohet avazi i shkatërrimit të ndërmarrjeve dhe pasurive publike, por edhe i hapet rruga për një qeverisje të re e të duhur”.
“Përveç që qeverisja e re do të duhet të ftojë e sigurojë investimin e diasporës, ajo duhet të krijojë kushte që nga Kosova të mos largohen qytetarët për një jetë më të mire”./PrizrenPress.com/