Kuvendarët e Komunës së Prizrenit e kanë bërë praktikë që të mos qëndrojnë deri në fund të seancës së Kuvendit. Pasi i “recitojnë” fjalimet e shkruara në shtëpi, ata ikin nga seanca.
Fotografia e postuar nga përfaqësuesi i KDI-së, Naim Cahanaj në Facebook, tregon qartë se sa të papërgjegjshëm janë kuvendarët e Prizrenit.
“Sot, Kuvendi i Konunës së Prizrenit mbajti seancën e radhës. Papërgjegjshmëria e anëtarëve të këtij institucioni verehet mospranin e tyre deri në fund të sesionit, duke mos pasur durimin që të jenë pjesë e diskutimeve të pikave të fundit të rendit të ditës”,shkruan Cahanaj.
“Anëtaret e këtij institucioni jo që nuk kanë gadishmërin të mbikëqyrin Ekzekutivin e Komunës në implementim të politikave, por nuk e kanë durimin të rrinë deri në fund”./PrizrenPress.com/