Kuvendi Komunal i Prizrenit ka marrë vendim për ndarjen nga 10 mijë euro për vendet e prekura nga tërmeti në Turqi dhe Komunën e Skënderajt, që muajin e shkuar ishte goditur nga përmbytjet e shkaktuara nga të reshurat atmosferike.
Kryetari i Komunës, Shaqir Totaj, tha se veprimi ka të bëjë me keqardhjen për humbjen e jetëve njerëzish dhe për dëmet e shkaktuara.
“Përmes kësaj shume simbolike, dëshirojmë të shprehim qëndrimin tonë dhe keqardhjen tonë lidhur me tragjedinë që ka ndodhur atje. E njëjta gjë vlen edhe për Skenderajn, edhe pse atje dëmet janë shumë të vogla dhe shuma që ne planifikojmë të ndajmë mund të ketë një efekt pak më të madh”, tha Totaj.