Kuvendi i Kosovës miratoi rekomandimet e Grupit Parlamentar të AAK-së të dala nga debati që u zhvillua javën e kaluar për të gjeturat e Raportit të Komisionit Evropian për Progresin në Kosovë gjatë vitit 2013.
Deputeti i AAK-së Ardian Gjini ka paraqitur rekomandimet e dala nga debati parlamentar lidhur me Raportin e Komisionit Evropian për progresin e Kosovës për vitin 2013 për qeverinë të cilat duhet t’i marr ekzekutivi, të cilat janë miratuar me 95 vota pro, 1 kundër dhe 2 abstenime.
Debati për këtë çështje u zhvillua në seancën e kaluar me kërkesë të Grupit Parlamentar të AAK-së.
Në këtë seancë, u betuan tre deputetë të rinj, Hatim Baxhaku, Xhavit Uka dhe Xhafer Tahiri, të cilët zëvendësuan, Lutfi Hazirin, Imri Ahmetin dhe Sali Asllanajn pasi kanë marrë detyrat e reja si kryetarë komunash.
Ndërkohë, Kuvendi formoi Komisionin ‘ah hoc’ për përzgjedhjen e kandidatëve për anëtarë të Bordit të RTK-së.