Kuvendi i Kosovës ka miratuar sot Ligjin për plotësimin dhe ndryshimin e Kodit Penal të Republikës së Kosovës.
Për këtë Ligj kanë votuar 62 deputetë të Kuvendit, asnjë kundër, asnjë abstenim.
Në seancën e sotme, u miratuar edhe Ligji për plotësimin dhe ndryshimin e Kodit të Procedurës Penale.
Me 64 vota për u miratuar edhe Ligji për Prokurorinë Speciale.
Këto pika të rendit të ditës u votuar në shqyrtim të dytë, ndërsa nuk pati diskutime nga deputetët.
Deputetët e partive opozitare, ndonëse të pranishëm në sallën e Kuvendit, ata nuk morën pjesë në votimin e këtyre pikave./kallxo.com