I shoqëruar nga bashkëpunëtorët, kryetari i Komunës së Rahovecit, Smajl Latifi, ka zhvilluar takim të rëndësishëm me përfaqësues nga Ministria e Administrimit të Pushtetit Lokal (MAPL) dhe përfaqësues të projektit DEMOS.
Në takim diskutuan lidhur me performancën e komunës gjatë viteve 2018-2022 dhe grantin e fituar përgjatë viteve, procesin e rishikimit të SMPK-së dhe të GPK-së, projektet e financuara nga granti i performancës, si dhe çështje të tjera që ndërlidhen me Grantin e Performancës Komunale, i cili pritet të shpallet më 9 shkurt 2024.
Kryetari Latifi ka theksuar rëndësinë e bashkëpunimit dhe para tyre paraqiti kërkesat e qarta sa u përket çështjeve që i diskutuan.
Nga ana e tyre Komuna e Rahovecit mori lëvdata dhe përgëzime për angazhimin ekipor për punën në raportimin e saktë për performancë komunale.