Lidhja Demokratike e Kosovës (LDK) në Prizren, ka akuzuar pushtetin lokal, për keqpërdorim të objekteve publike. Sipas këtij subjekti politik, PDK-ja po ashtu për fshatë zgjedhore po i keqpërdorë edhe para e taksapaguesve.
“ Kjo ndodhë gjithandej Komunës së Prizrenit. E njëjta sot po ndodhë edhe në Zhur, konkretisht në objektin e Shtëpisë së Kulturës, i cili përkundër dyshimeve tona në cilësin e punimeve, ende pa u lëshuar në përdorim për shërbim për qytetarët, po shfrytëzohet nga strukturat e pushteti, duke vendosur fotografitë e mëdha propagandistikë për PDK-në dhe të pandehurin Ramadan Muja”, thuhet në reagimin e LDK-së në Prizren. .
“Si duket këtij pushteti, pas pesë viteve, sot shumë është duke iu ngutur për “përfundimin” punimeve, ku para disa ditësh kishim edhe humbjen e një jete të një punëtori të ri aty, rast i cili nga strukturat e këtij pushteti është fsheh nga opinioni”.
Shtabi Zgjedhor i Degës së Lidhjes Demokratike të Kosovës, i bënë thirrje pushtetit, që mos të keqpërdorë objektet publike për propagandë të vetën elektorale.
“Veprimet e tilla janë të kundërligjshme dhe të njëjtat veprime tani më i kemi raportuara në organet përkatëse, si vendore ashtu edhe ndërkombëtare, të cilat po monitorojnë me shumë kujdes procesin e fushatës elektorale, për të cilën gjë edhe shprehim mirënjohjen tonë”.
“Falë tyre, këtë vit në Kosovë, besojmë se do të kemi një proces të ndershëm elektoral nga i cili proces padyshim se Lidhja Demokratike te Kosovës do të dalë fituese”
“Pushtetit në ikje ja bëjmë me dije se ndërrimi i pushteteve në sisteme demokratike është proces normal, andaj as këta s’kanë nevojë që ta përjetojnë ndryshe”. /PrizrenPress.com/