20.4 C
Prizren
E mërkurë, 9 Korrik, 2025

LDK-ja falënderon Haskukën për prishjen e koalicionit në Prizren

Lidhja Demokratike e Kosovës(LDK) në Prizren, ka falënderuar kryetarin e Prizrenit Mytaher Haskukën, për prishjen e koalicionit në këtë qytet.

Shefi i Grupit të kuvendarëve të LDK-së, Haziz Hodaj tha se Haskuka shkarkoi drejtorët e LDK-së, për hakmarrje primitive.

“Faleminderit që njëanshëm i shkarkove drejtorët e LDK-së”, tha Hodaj në seancën e Kuvendit të Prizrenit.

Kryetari i Prizrenit, Mytaher Haskuka, ka prishur ditë më parë koalicionin me LDK-në.

Ai është arsyetuar se prishja e këtj koalicioni ka ardhur si rezultat i mocionit që LDK-ja ngriti kudër Qeverisë së Kurtit, shkruan “PrizrenPress”.

Ndërkaq, Hodaj tha se LDK-ja është krenare që drejtorët e saj u larguan pa njollë të keqe.

“Drejtorët LDK-së u larguan pa asnjë njollë të zezë”, tha Hodaj.

LDK-ja në shenjë “hakmarrjeje”, ka braktisur seancën e Kuvendit të Prizrenit, në të cilën ishte paraparë rishikimi i buxhetit.

Hodaj tha se kryetari i Komunës, Haskuka, asnjëherë nuk i ka kontaktuar për të diskutuar rreth buxhetit dhe projekteve të tjera. /PrizrenPress.com/

Më Shumë

Punimet rrugore në Rahovec zhvendosen gjatë natës për shkak të temperaturave të larta

Për shkak të temperaturave të larta që po mbizotërojnë gjatë ditës, Komuna e Rahovecit ka marrë vendim që punimet infrastrukturore në rrugë të zhvillohen...

Kryeprokurori i Prizrenit dhe monitoruesi i EULEX-it diskutojnë për mbrojtjen e mjedisit dhe ndëshkimin e krimeve mjedisore

Kryeprokurori i Prokurorisë Themelore në Prizren, Petrit Kryeziu priti në takim pune z.Vesa Satamo, monitorues tematik për krimet ndaj mjedisit nga Njësia për Monitorim...

Lajmet e Fundit