Lidhja Demokratike e Kosovës (LDK) në Prizren ka akuzuar Qeverinë e Ramadan Mujës se po keqmenaxhon me buxhetin.
Kryetari i Degës, Haxhi Avdyli, tha se qeverisja lokale në Prizren ka degraduar në të gjitha sektorët.
“Keqmenaxhimi i buxhetit nga Komuna e Prizrenit, është dëshmia më e mirë se si po qeveriset ky qytet”, ka thënë Avdyli, transmeton TVPZ.
Anëtari i Grupit të ekspertëve për Ekonomi dhe Financa të LDK-së , Agim Muçaj, ndërkaq paraqiti nëj sërë vërejtjesh për keqmenaxhim të këtij buxheti.
“Këto të gjetura nga ekspertë të LDK-së,janë bërë publike edhe në seancën e fundit të Kuvendit të Prizrenit”, ka thënë ai./PrizrenPress.com/