Lidhja Demokratike e Kosovës, Dega në Zhur, në mbledhjen konstituive të mbajtur sot, ka zgjedhur dy nënkryetarë dhe sekretarin e saj.
Nënkryetar janë zgjedhur Eshref Memaj dhe Sadik Hoxhaj, ndërsa sekretar është Basri Begaj.
“Në mbledhje po ashtu me shumicë votash u aprovua kërkesa e Kryetarit të Degës që nga një përfaqësues nga nëndega Vërmicë dhe Kobaj të koptohen (hyjnë) në kryesi të kësaj Dege”, thuhet në njoftimin e kësaj partie.
“Po ashtu u mor vendim që një përfaqësues i Degës të merr pjesë në takimet që do të mbahen në Degën e LDK-së në Prizren, ku personi kontaktues për takim në mbledhje do të jetë Kryetari Degë, Nijazi Ademaj”. /PrizrenPress.com/
