Ragip SYLAJ
Lirë e shet gjakun e fjalëve
Zemrën tek e shtrydh
Të kjasojë nektar
Po dashuria jote sublime
Pse rrudhet ndër kthetra frike
Dhe ngreh krye dreqnisht
Kur Zeusët të rrinë përmbi
E Liria ka tagër të lartë
Edhe kur mbetesh gjallë
Dhembjen e ke të vetmin trashëgim
Dhe më të madhin shpërblim
Arti i flijimit-
Një testament për mikun e panjohur
Shtegtimet nëpër ferr
Ëndërrimet nëpër parajsë
S’i ndal kalorësi i agut
Ballë për ballë me veten
Njihe të panjohurin
Misterin e vuajtjes
Pastaj ngritja çmimin artit të dashurisë
Kur demonët flirtojnë me muzat
(2001)