23.4 C
Prizren
E enjte, 18 Shtator, 2025

Lëvizja Vetëvendosje vendos për koalicionin në Prizren

Kandidati i Lëvizjes Vetëvendosje për kryetar të Prizrenit, Mytaher Haskuka ka bërë të ditur se tashmë ka filluar takimet me liderë të disa partive në Prizren, për të arritur marrëveshje për garën e balotazhit ku do të përballet me kandidatin e PDK’së, Shaqir Totaj.Në emisionin “Debat D” në TV Dukagjin, Haskuka tha se koalicionet në këtë komunë do të varen nga dinamikat që kanë qendrat e partive.

“Koalicionet do të varen nga dinamika që e kanë qendrat. Një pjesë shumë e madhe e votuesve që kanë votuar kandidatët e tjerë kanë votuar për ndryshime, dhe njëjtë do të veprojnë edhe në balotazh. Pa marrëveshje është problem, po edhe pa marrëveshje mendoj se do të ketë ndryshim të votës në Prizren. Duhet me punu”, ka thënë Haskuka.

Ai tutje ka deklaruar se do të dëshironte që të kishte bashkim të forcave në Prizren.“Kisha dashur të ketë bashkim të forcave në Prizren. VV ka vendosur se qendrat lokale të bëjnë koalicionet, të ndaluar e kanë me PDK’në. Kemi pasur bisedime me liderë të partive të ndryshme, por e kanë problemin nga qendra. Disponimi është pozitiv. Kemi diskutuar me Baxhakun, pasi ai është kundër PDK’së”, deklaroi tutje Haskuka.

Më Shumë

Artistët bëhen bashkë për Gazën, koncert humanitar në Wembly

Një aktivitet i madh humanitar për mbledhje fondesh do të zhvillohet në Wembley të Londrës. Eventi është cilësuar si “një takim artistësh, muzikantësh dhe njerëzish...

Arrestohet një person në Prizren, dyshohet për korrupsion dhe mashtrim në prokurim publik

Policia e Kosovës, në bashkëpunim të ngushtë me Prokurorinë Themelore në Prizren, ka ndërmarrë një aksion të koordinuar që ka çuar në arrestimin e...

Lajmet e Fundit