Libra të rinj, të autorëve shqiptarë e të huaj, i janë shtuar këtë javë stendave të librarive në kryeqytet. Disa prej tyre janë:
“Alef” nga Paulo Coelho.Objekti i këtij romani është udhëtimi i Paolo Coelho-s, gjatë muajve mars dhe korrik të vitit 2006, nëpër tri kontinente: Europë, Afrikë dhe Azi – një udhëtim në kohë dhe hapësirë, me të kaluarën dhe të tashmen, gjithmonë në kërkim të vetvetes.Pjesa më e madhe e romanit, apo e librit, përshkruan përvojat e autorit gjatë udhëtimit nëpërmjet hekurudhës transiberian me tren, me botuesin e tij dhe me një vajzë që ai takohet gjatë udhëtimit.
“Nuk duhet te fle” i S.J.Watson.I botuar në mbi 30 vende të botës, “Nuk duhet të fle” është duke u kthyer në një film të rëndësishëm, i prodhuar nga Ridley Scott, me Nicole Kidman dhe Colin Firth. The Independent ka shkruar se kritika e ka mbështetur “Nuk duhet të fle” si një përzierje e arritur midis popullores dhe letrares.
“Luani i Epirit, Ali Pasha dhe Suli”, nga Spiro Mela. Autori i përket Akademisë së Athinës, nderuar në Poloni me Dafinën e Artë.”Shekulli i Tetëmbëdhjetë, mbase dhe ai i nëntëmbëdhjetë, nuk arritën të afirmojnë, nga Adriatiku deri në Detin e Zi, një figurë historike mbresëlënëse, më të fuqishme, më të komplikuar dhe më enigmatike se ajo e Ali pashë Tepelenës.”
“Postieri i Nerudes”, nga Antonio Skarmeta. Një roman poetik, pasionant mbi miqësinë dhe dashurinë.Në San Antonio, në Kili, i riu Mario Himenes, ish peshkatar, emërohet postier i fshatit të humbur të Isla Negrës. Detyrae tij ishte t’i dërgonte postën njeriut të vetëm që merrte letërkëmbimin në atë vend të harruar nga të gjithë, poetit tëmadh, Pablo Neruda