Fatmir Limaj ka planifikuar ta vizitojë të enjten qytetin e Prizrenit, ku do t’i bëhet një pritje nga bashkëluftëtarët e tij.
Limaj në Qytetin e Vjetër pritet të qartësojë edhe më shumë pozicionin e tij karshi PDK-së.
Të hënën, Limaj ishte në Malishevë dhe i dha përkrahje Inciativës për Malishevën. Në të njëjtën kohë, ish-Nënkryetari i PDK-së tha se i mbështetë antarët e PDK-së edhe nëpër komuna tjera që po dalin kundër Partisë së Hashim Thaçit.
Limaj në Prizren pritet ta ketë përkrahës edhe Zafir Berishën, i cili ka qenë deputet dhe Kryetar i Degës së PDK-së në këtë qytet.
“Nuk jam organizator, por aty do të jem që ta pres z. Limaj si bashkëluftëtar, si qytetar i Prizrenit. Veteranët e luftës janë organizator”, ka thënë Berisha, për Gazetën Express.
“Qëndrojë në valë të përbashkëta me Fatmir Limajn se qeverisja e korruptuar duhet të marrë fund. Për qëndrimin e tij apo ndonjë mbështejte eventuale në qytetin e Prizrenit ndoshta e thotë vet nesër”, ka shtuar ai.