Liria do ta zhvillojë ndeshjen në Prizren dhe këtë e konfirmon klubi me anë të një komunikate zyrtare.
Është folur gjatë ditës se kjo ndeshje do të zhvillohet në Suharekë, por nuk do të ndodh.
“Me kënaqësi informojmë opinionin sportdashës në Prizren, adhuruesit e KF Liria, se ndeshja: Liria-Drita, e paraparë të luhet në Prizren, të premten me 31.08.2018 në ora 16.45, konfirmojmë se luhet në terminin dhe vendin e paraparë”.
“Pra, hidhen poshtë spekulimet, se Liria do të luaj diku tjetër. Konfirmimi, për ofrimin e asistencës së sigurisë nga Policia e Kosovës, ka ardhur sot dhe i njëjti është përcjellë organeve tjera të sigurisë, sikurse që është njoftuar edhe FFK”.
“Me këtë hidhen poshtë spekulimet, lidhur me vendin e zhvillimit të ndeshjes. KF Liria, falënderon Policinë e Kosovës, stacionin ‘Alfa’ dhe Drejtorinë Rajonale në Prizren, për ndihmën e dhënë”.
“Konfirmojmë se:Liria-Drita, luhet në Prizren, të premten, në 16.45”, thuhet në njoftimin e klubit.
Liria ka pësuar humbje në dy ndeshjet e para ndaj Ballkanit dhe Ferizajt.