Dy bombardues strategjikë rusë u kapën nga radarët e Shteteve të Bashkuara, teksa hynin në hapësirën ajrore ndërkombëtare jashtë brigjeve të Alaskës.
Avionët rusë janë dy Tupolev Tu-95 “Bear”, të kapur nga radari i vendosur në ” F-22” luftëtar të Forcave Ajrore Amerikane, i cilësuar nga ekspertët si nga “I padukshmi”.
Autoritetet ushtarake kanë përcaktuar se dy avionë rusë “u monitoruan derisa u larguan nga zona” që shtrihet në nivelin e Ishujve Aleutian. Zona e Identifikimit të Mbrojtjes të SHBA shtrihet rreth 320 kilometra nga bregu perëndimor i Alaskës.
Incidenti ajror u zbulua nga Komanda e Mbrojtjes së Hapësirës së Amerikës së Veriut.