Aleksandër Lumezi ka marrë më së shumti pikë për kryeprokuror të Shtetit.
Ai i prin listës prej tetë kandidatëve në garën për kryeprokuror në konkursin e hapur. Kryeprokurori i ri pritet të emërohet pas pensionimit të Ismet Kabashit, shkruan Koha Ditore.
Lumezi aktualisht është kryeprokuror i Prokurorisë së Apelit. Para kësaj pozite ai ka drejtuar Prokurorinë e Qarkut të Prishtinës dhe Prokurorinë Komunale.
Lumezi ka marrë 78.67 pikë, pasuar nga kryeprokurori i Prokurorisë Themelore të Mitrovicës, Shyqyri Syla, që ka mbledhur 78.17 pikë, ndërsa i treti është renditur kryeprokurori i Prokurorisë së Gjilanit, Jetish Maloku, me 76.33 pikë, shkruan koha ditore.