Një aksident me pasojë vdekjen ka ndodhur sot në orët e para të mëngjesit në qytetin e Shkodrës. Dy të rinj kanë humbur jetën teksa makina e tyre me të cilën udhëtonin ka dalë nga rruga dhe ka rënë nga një lartësi prej 7 metrash.
Përveç dy viktimave, në makinë ndodheshin edhe tre persona të tjerë, të cilët kanë mbetur të plagosur dhe ndodhen jashtë rrezikut për jetën në spitalin rajonal të qytetit. Ngjarja ka ndodhur në orën 06:30 të mëngjesit në vendin e quajtur Ura Stom Golemit.
Për rrjedhojë, kanë gjetur vdekjen dy të rinj, të identifikuar me inicialet N.K dhe A.S, të moshave 18 dhe 20 vjeç.
Shkak i këtij aksidenti dyshohet të jetë bërë humbja e kontrollit nga drejtuesi i mjetit, Vat Tusha, i cili ka mbetur i plagosur, bashkë me shtetasit T.K dhe A.S, të moshave 34 dhe 25 vjeç.
17 mars 2015 (gazeta-Shqip.com)