Një aksident tragjik ka ndodhur pasditen e sotme në qytetin e Shkodrës.
Një fëmijë 4-vjeçar është përplasur nga një automjet në lagjen “Rus” dhe ka ndërruar jetë gjatë rrugës për në spital.
Disa dëshmitarë në vendgjarje thanë për policinë se fëmija me iniciale K.SH. ishte duke luajtur në trotuar, pranë një banese në lagjen “Fahri Ramadani”, në momentin kur është goditur nga mjeti, i cili drejtohej nga 38-vjeçari Jetmir Popa.
Fëmija është transportuar me urgjencë në spitalin e Shkodrës, por ka ndërruar jetë rrugës, pa iu dhënë ende ndihma e parë mjekësore.
Policia ka ndaluar drejtuesin e mjetit dhe ka nisur hetimet për zbardhjen e plotë të ngjarjes. /Shekulli/