Me vendim të prokurorit, shtetasit B.B, të dyshuar për vrasjen e axhës së tij në Kijevë të Malishevës,i është caktuar masa e ndalimit në kohëzgjatje prej 48 orësh.
Prokuroria Themelore në Gjakovë ka njoftuar se brenda afatit të paraparë ligjor, do të paraqes kërkesën e masës së paraburgimit.
Kjo për faktin se vepra për të cilën ngarkohet i dyshuari është klasifikuar si “vrasje e rëndë”.
Në Kijevë, dyshohet se nipi vrau axhën
Në Kijevë të Malishevës, në orët e para të mëngjesit të sotëm ka ndodhur një vrasje.
Dyshohet se nipi e ka vrarë axhën e tij. Motivet që kanë çuar në këtë akt të rëndë ende nuk dihen, ndonëse jozyrtarisht pretendohet të jenë disa probleme pronësore.
Sidoqoftë, banorët e këtij fshati kanë deklaruar se nuk kanë dëgjuar që i dyshuari dhe viktima të kenë pasur mosmarrëveshje të tilla.
Sidoqoftë, policia është duke kryer hetimet, ndonëse edhe më tej nuk ka ndonjë komunikatë zyrtare në lidhje me rastin.RTK