Sulmuesi kroat vazhdon të jetë në planet e trajnerit Massimiliano Allegri.
Juventusi pritet t’i ofrojë një kontratë të re sulmuesit Mario Mandzukiq, i cili po vazhdon të tregojë formë të mirë në fanellën bardhezi.
Kroati u kthye me vonesë në përgatitjet e skuadrës, pasi kishte pushuar më gjatë se pjesa tjetër e skuadrës, meqenëse me Kroacinë kishte luajtur deri në finalen e Kampionatit Botëror.
Të shtunën Mandzukiq pati një paraqitje të mirë dhe realizoi golin e dytë në fitoren 2-0 ndaj Lazios.
Kroati ka kontratë deri më 2020 me Juven, por mediat italiane shkruajnë që ai mund të nënshkruajë një marrëveshje të re.
Pas spekulimeve se ai mund të largohej gjatë verës, te Juve janë të bindur se Mandzukiq do të pranojë të nënshkruajë edhe për një vit shtesë.