Ministria e Arsimit, Shkencës dhe Teknologjisë (MAShT), ka ndarë sot 750 bursa për studentët e universiteteve publike të Republikës së Kosovës.
Në ceremoninë e ndarjes se këtyre bursave, ministri Arsimit, Arsim Bajrami, ka thënë se ndihet krenar dhe me fat që po ndahen bursat për studentët më të mirë dhe për gjeneratat e reja.
“Mund ta bëjmë shtetin tonë shtet krenar të fuqishëm, sepse kemi një rini të shkëlqyeshëm. Ju studentë nesër do të jeni liderë të Kosovës”, është shprehur Bajrami.
Ai ka thënë se MAShT-i është duke punuar që vitit 2016 të jetë vit i cilësisë.