10.4 C
Prizren
E premte, 17 Tetor, 2025

Mbiemrat më të përhapur në Shqipëri

Renditja e mbiemrave më të përdorur nga shqiptarët, në një studim të kohëve të fundit të kryer nga profesori i Institutit të Gjuhësisë dhe Letërsisë, Çlirim Bidollari, nxirrte në krye ata që janë trashëguar e përdoren nga popullsia e lidhur me besimin mysliman.

Kështu, në gjashtë mbiemrat më të përdorur janë Hoxha, Shehu, Prifti, Çela, Leka dhe Dervishi, të paktën tre prej tyre – Hoxha, Shehu dhe Dervishi – kanë lidhje me këtë përkatësi të besimit fetar.

Për habi, renditja e mbiemrave më të përdorur nga shqiptarët ka ndryshuar me kalimin e kohës. Këtë e vërteton një studim i tashmë historianit Paskal Milo, i cili është mbështetur në të dhëna statistikore të regjistrimit të vitit 1945.

Sipas artikullit të Paskal Milos, të publikuar në vitet 1970 në një gazetë të kohës së komunizmit, renditja e mbiemrave më të përdorur në Shqipërinë e 1945 ishte kështu: Në vendin e parë mbiemri “Hoxha”, në vendin e dytë “Çela”, që mund të jetë mbiemër pagan, në vend të tretë dhe të katërt mbiemrat “Gjoni” dhe “Kola”, të përhapur kryesisht mes popullsisë së besimit katolik dhe i pesti në radhë, mbiemri “Dervishi”, sërish një mbiemër që ka lidhje me besimin mysliman.

Mbiemrat nisën të përdoreshin nga shoqëria njerëzore rreth shekullit të XII-të me qëllim dallimin mes njerëzve dhe sidomos për shmangien e martesave brenda fisit. Fillimisht mbiemrat u përdorën nga shtresat e pasura të popullsive, më pas nga klerikët dhe më vonë nga shtresat e popullit të thjeshtë./ABC News/

Më Shumë

21 vjet nga tragjedia e maturantëve të Malishevës

Sot mbushen 21 vjet kur 15 maturantë të shkollës së mesme “Abdyl Frashëri” nga Malisheva humbën jetën gjatë një ekskursioni në Shqipëri, shkruan KosovaPress. https://prizrenpress.com/421746-2h/ Autobusi...

Prizrenasit në numër të madh mbështesin Totajn në tubimin e Shatërvanit

Teksa ka filluar numërimi mbrapsht deri në ditën e zgjedhjeve lokale të 12 tetorit, sonte Partia Demokratike e Kosovës është duke mbajtur një tubimi...

Voton Shaqir Totaj

Lajmet e Fundit