Nëse je zyrtar i lartë pushteti nuk të ndëshkon edhe kur falsifikon. Madje të shpërblen. Shembullin e sjelljes së këtillë pushteti e ka treguar në rastin e Islam Cakës, i suspenduar gati dy vjet më parë nga pozita e drejtorit të Departamentit për shtetësi, azil dhe migracion, që funksionon në kuadër të Ministrisë së Punëve të Brendshme (MPB).Për punën që nuk e ka bërë prej gati dy vjetësh, ai ka marrë pagë të rregullt. Ndërkaq pasi i është shqiptuar dënimi për falsifikim nga gjykata, MPB-ja e ka rivënë një kohë në pozitën e drejtorit, e më pas e ka caktuar si koordinator.
Islam Caka ishte i suspenduar gati dy vjet më parë nga pozita e drejtorit të Departamentit për shtetësi, azil dhe migracion, që funksionon në kuadër të MPB-së. Për punën që nuk e ka bërë prej gati dy vjetësh, ai ka marrë pagë të rregullt. Këtë fundvit është dënuar për falsifikim nga Gjykata Themelore në Prishtinë.
Pas dënimit, MPB-ja e ka vënë një kohë në pozitën e drejtorit në Departamentin e Regjistrimit dhe Gjendjes Civile, e më pas e ka caktuar si koordinator të Njësisë për monitorim dhe evoluim të strategjive nacionale. /Koha Ditore/