20.9 C
Prizren
E shtunë, 30 Gusht, 2025

Me nderime të larta varroset mjeku Sherif Krasniqi

Është varrosur sot në varrezat e dëshmorëve në Landovicë, veterani i dy luftërave që zhvilluan shqiptarët në Kosovë dhe Maqedoni të Veriut, dr. Sherif Krasniqi.

Familjarë, bashkëveprimtarë, qytetarë të shumtë e përfaqësues të institucioneve të ndryshme, ia dhanë lamtumirën e fundit mjekut, Sherif Krasniqi, doktorit që shëroi plagët e lirisë në luftën për çlirimin e Kosovës dhe atë në Maqedoni të Veriu, në një ceremoni varrimi të organizuar në varrezat e dëshmorëve në Landovicë, ndërsa trupi i pa jetë i të ndjerit është bartur nga pjesëtarë të Ushtrisë së Kosovës.

Kryetari i Prizrenit, Shaqir Totaj, tha se “sot po ndahemi nga një personalitet i veçantë, siç ishte dr. Sherifi, i cili në momentet më të vështira për kombin tonë, e ka dëshmuar veten si një atdhetar i madh, profesionist e humanist i rrallë”.

Një fjalë rasti në emër të shoqatave të dala nga lufta, e mbajti edhe sekretari i degës së OVL të UÇK- në Prizren, Isa Berisha, i cili vlerësoi lartë sakrificën dhe atdhedashurinë që shfaqi dr. Sherif Krasniqi, duke u vënë në shërbim të ofrimit të ndihmës mjekësore luftëtarëve të lirisë nëpër beteja të luftës në Kosovë dhe Maqedoni të Veriut.

Për jetën dhe veprën e doktorit të ndjerë në shërbim të kauzës kombëtare dhe asaj profesionale, ka folur edhe kolegu i tij nga Spitali i Prizrenit, Eqerem Shala. Në emër të familjes, për nderimin lamtumirës kushtuar babait të tij, i falënderoi të gjithë pjesëmarrësit, djali i dr. Sherif Krasniqi, Valoni. Ndryshe, i ndjeri dr. Sherif Krasniqi, ishte kirurg i përgjithshëm në Spitalin Rajonal të Prizrenit.Tv Prizreni

Më Shumë

Kryeministri Kurti viziton edicionin e pestë të Autostrada Biennale në Prizren

Kryeministri në detyrë, Albin Kurti, vizitoi edicionin e pestë të Autostrada Biennale, kuruar nga Erzen Shkololli, me titull “Rrymat që Shpalosen: Pulsi i Kohës”,...

Artan Abrashi: Fitorja në Prizren është jo vetëm e mundshme, por e sigurt

Kandidati i Lëvizjes Vetëvendosje për kryetar të Komunës së Prizrenit, Artan Abrashi, ka realizuar  me kandidatët për Kuvendin Komunal,  një takim që ai e...

Lajmet e Fundit