Kryetari i Malishevës, Ekrem Kastrati i ka reaguar qeverisë pasi komuna që ai udhëheq ta e disa dita ka reduktime të rrymës, për më shumë se 20 orë.
Kastrati ka kërkuar nga Kurti dhe Rizvanolli që të marrin masa urgjente, që Malisheva të furnizohet me energji elektrike, në mënyrë të barabartë si çdo komunë e Kosovës.
Postimi i plotë:
Të dashur qytetarë, e nderuar mërgatë, biznese të respektuara,
Është viti i dytë më radhë që pikërisht në sezonin e dimrit, Malisheva bashkë me qytetarët e saj, mërgimtarët dhe bizneset, marrin goditjen më të rëndë të mundshme, atë të mungesës së energjisë elektrike, për më shumë se 20 orë pa rrymë.
I bëj thirrje kryeministrit Kurti, ministres Rizvanolli, KOSTT-it/KEDS-it, që të marrin masa urgjente, që Malisheva të furnizohet me energji elektrike, në mënyrë të barabartë si çdo komunë e Kosovës.
Mos na diskriminoni, por veproni sepse qytetarët e Malishevës, nuk e durojnë poshtërimin që po ua bëni!