Shtypi serb vazhdon të ketë në fokus ngjarjet në Maqedoni, duke i rënë kambanave për gjoja rrezikun që paraqet Shqipëria e Madhe.
Gazeta serbe “Pravda” shpreh shqetësimin sesi në mes të Shkupit u dëgjuan thirrje për UÇK-në, ndërkohë që u valëviten edhe harta të Shqipërisë së Madhe.
“Nëse u besohet spekulimeve që sillen në politikën e Shkupit, të cilat nuk mund t’i vërtetojmë, nuk përjashtohet mundësia e zgjedhjeve të reja parlamentare dhe kryeministri i ri të jetë shqiptar”, thuhet në artikullin e gazetës “Pravda”.
Më tej, kjo media spekulon sesi kreu i opozitës maqedonase, Zoran Zaev është i lidhur ne njerëz të Brigadës 113 “Ismet Jashari”. /shekulli/