16.8 C
Prizren
E enjte, 28 Mars, 2024

Mehmeti: Jenuzi ka treguar paaftësi në qeverisjen e Dragashit

FatmirMehmeti-ldk-dragashKandidati i LDK-së në Dragash, Fatmir Mehmeti, akuzon kryeterin e Komunës dhe kandidatin e PDK-së, Salim Jenuzi se për dy mandate ka treguar paaftësi në qeverisje.“Kryetari aktual, Salim Jenuzi, ka dëshmuar paaftësi udhëheqëse, bashkë me stafin e tij, për faktin se nuk kanë arritur që t’i shfrytëzojnë fondet në mënyrë racionale”, tha Mehmeti. Sipas tij, Jenuzi, bashkë me stafin e tij, brenda tri viteve i ka shkaktuar qytetarëve të komunës dëmin financiar.”Dëmi financiar ka shumën prej rreth një milion eurosh”, tha Mehmeti.

Sipas tij, këto para janë kthyer në suficit, pasi nuk ka pasur aftësi menaxhimi nga kjo garniturë qeverisëse. Madje, janë keqpërdorë mbi 70 mijë euro në QKMF.

“ Nuk po realizohet apo ka mbetur në gjysmë projekti i ujësjellësit, i cili ka filluar së ndërtuari, duke synuar furnizimin me ujë të 15 fshatrave. Kjo qeveri e ka lënë pa ujë fshatin Brezne, njërin prej fshatrave më të mëdha në komunë. Ka mbetur pa përfunduar shkolla e mesme profesionale. Ka politizuar dhe po e politizon edhe më tej arsimin”, tha ai.

Ai tha se Jenuzi, siç po i pastron njerëzit eminent nga subjekti i tij, ka filluar që, përmes sekserëve të tij, të shkaktojë edhe presion psikik dhe dhunë tek qytetarët, stafi civil dhe tek arsimtarët.

“Politika e tij dhe përkrahësit e tij, janë robër të pushtetit ose janë të zënë ngushtë nga interesat personale dhe klanore. Regjimi thaçist ka lëshuar rrënjë të thella në komunën e Dragashit, për shkak të servilizmit të Salim Jenuzit, i cili nuk ka aftësi për të qeverisur.”, theksoi ai.

Sipas tij, në komunën e Dragashit, janë të anashkaluara dhe të dhunuara bizneset private për arsye se ato nuk mund të marrin tenderë, përmes së cilëve do t’i punësonin të rinjtë e kësaj komune.

“Bizneset e Dragashit janë të eliminuara nga lart, nga bosët e qeverisë pronto të Thaçit dhe servilit të tij, Jenuzit. Në komunën e Dragashit edhe punësimi bëhet me direktiva të qeverisë pronto, sepse nuk ka më qeverisje por regjim qeveritar, të cilin e ka instaluar Thaçi, e që po e zbaton vartësi i tij më i padenjë dhe më i pa potencë politike e menaxhuese, Salim Jenuzi”, tha ai. /PrizrenPress.com/

Më Shumë

Kërkohet ndihmë financiare për 48-vjeçaren nga Prizreni, duhet të bëjë transplant të veshkës

48-vjeçarja Bedrije Dullaj nga Komuna e Prizrenit ka nevojë për ndihmën e qytetarëve. Bedrijes i duhet të bëjë transplant të veshkës. Operimi duhet të bëhet...

Sot moti me vranësira dhe intervale me diell

Për sot parashikohet të mbajë mot me vranësira dhe intervale me diell, ndërsa gjatë orëve të para të 24-orëshit pritet të ketë reshje shiu,...

Lajmet e Fundit