Kryetari i ri i Malishevës Ragip Begaj, ende nuk ka filluar negaociatat për koalicion me subjektet e tjera politike. Ai thotë se është në pritje të certifikimit të zgjedhjeve nga KQZ-ja.
“Për koalicionet në Kuvendin Komunal, do të konsultohemi edhe me anëtarët e tjerë.Numrat ndoshta do të diktojnë ndonjë marrëveshje të mundshme për të bërë shumicën në Kuvend, edhe pse nuk do të duhej, sepse këshilltarët duhet të luajnë rolin për çka edhe janë votuar”.
Ragip Begaj nga Iniciativa Qytetare për Malishevë, në zgjedhjet e fundit lokale është zgjedhur kryetar i ri i Malishevës. Ai ka arritur që të mposhtë kandidatin e PDK-së, Isni Kilajn dhe atë të LDK-së, Sali Morina.
Begaj thotë se do të bashkëpunojë me të gjitha subjektet politike.
“Jemi të hapur për bashhkëpunim me të gjithë”.
Kuvendi Komunal në Malishevë do t’i ketë 31 këshilltarë. Për të arritur shumicën në Kuvend,Begajt i duhen edhe 6-7 këshilltarë./PrizrenPress.com/