Raymond Domenech ka kritikuar ashpër Lionel Messin.
Ylli argjentinas nuk ishte në natën e tij më të mirë në ndeshjen ndaj Paris Saint-Germain, ku Barcelona bëri mrekullinë duke fituar 6:1 dhe u kualifikua në çerekfinale të Ligës së Kampionëve.Por sipas ish-trajnerit të kombëtares së Francës, Lionel Messi ishte pika më e dobët e Barcelonës në këtë takim dhe argjentinasi nuk e ka më magjinë që kishte dikur.
“Lojtari më i dobët i Barcelonës ishte Messi. Ai qëndronte në qendër të fushës dhe dukej sikur nuk donte të vraponte”, ka thënë Domenech.“Tash e sa ndeshje ai është duke luajtur kështu, duke menduar se mund t’i bëjë të gjitha, por unë mendoj se ai nuk është më i njëjti. Messi po shkon drejt fundit, ka dhënë shumë për futbollin, por koha e tij po mbaron”, ka shtuar ai.
Përkundër kësaj deklarate të Domenech, statistikat tregojnë të kundërtën, pasi që Messi prinë me gola si në La Liga ashtu edhe në Ligën e Kampionëve. Në kampionatin spanjoll ai ka 23 gola kurse në Champions 11