32.7 C
Prizren
E mërkurë, 2 Korrik, 2025

Milionshet e mbylljes së gojës

kurti ne koruishLëvizja Vetëvendosje! në Prizren ka mbajtur një tubim me banorët e fshatit Korishë. Në këtë tubim ka marrë pjesë edhe lideri i VV-së, Albin Kurti.

Në këtë fshat, Kurti  ka komentuar pretmtimet milionshe që kryetari i PDK-së, Hashim Thaçi, i ka bërë  për Prizrenin. “Miku të jep bukë për të të mbushur barkun, kurse armiku të jep për ta mbyllur gojën. Këto milionat që premtojnë, e këto dreka që i japin, i bëjnë për ta blerë heshtjen qytetarëve”, tha Kurti.

“Në alternativën lokale dhe qendrore, parimet tona i kemi përshtatur me hallet e qytetarit. Ne do të angazhohemi që ta kthejmë prodhimin në ekonomi, e jo që shteti t’i lehtësojë prodhuesit e huaj për të shitur këtu duke i shpallur luftë prodhimit vendas”.

Kurti tha se VV-ja është i vetmi subjekt që flet për shtetin social, për barazi dhe solidaritet. “Pabarazia është fakt shoqëror dhe me ne roli i shtetit është që ta zbus këtë pabarazi. Këto ditë që kam udhëtuar me mijëra kilometra për çdo ditë, nuk e kam parë asnjëherë që policët këto ditë asnjëherë nuk i ndalin xhipat luksozë me xhama të errët, por vetëm makina të vjetra. Me ne policia nuk do t’i frikësohet kriminelëve, por kriminelët policisë” .

“Është e vërtetë që policia dhe gjykatat komandohen nga pushteti, por këtë nuk e bëjnë nga qejfi. Me ardhjen tonë në pushtet, ata lirohen nga pushteti – dhe nëqoftëse ka policë e prokurorë që e duan pushtetin, ata duhet t’i heqim nga puna”.

Kandidati për kryetar të Prizrenit, Arbër Rexhaj tha ndërkaq se në zgjedhjet e kaluara qytetarët prizrenas në mungesë të alternativave është dashur të zgjidhnin të keqen më të vogël.

“Sot kemi tre alternative. Alternative e tyre që koherzën e kalojnë në gjykata dhe përball drejtësisë. Alternativa e atyre që jetën e rëndë ekonomike e tejkalojnë me metafora të dala mode, dhe alternativa e cila do të krijoj shembullin e mirë të qeverisjes, e cila nuk do të përfshihet dhe marr pjesë në korrupsion, alternativa e cila ka zgjidhje për Prizrenin. Ne nuk ju premtojmë miliona euro, por mund t’ju garantojmë vetëm angazhimin tonë të plotë në punë”, tha Rexhaj./PrizrenPress.com/

 

Më Shumë

AKP shpall qiradhënien e 105 njësive në Prizren

Agjencia Kosovare e Privatizimit ka hapur shpalljen publike për qiradhënien e 671 njësive të cilat përfshijnë asete atraktive që gjenden në pesë rajonet e...

Aksident në Rahovec, s’dihet për të lënduar

Një aksident trafiku raportohet të ketë ndodhur tek “Epopeja” në Rahovec. Në pamjet e publikuara nga portali lokal “Rahoveci n’fokus”, shihet se dy vetura janë...

Lajmet e Fundit