Thirrjes së deputetit të Nismës, Zafir Berisha, drejtuar VV-së e LDK-së që t’i bëjnë 60 vota për ta rrëzuar qeverinë Haradinaj, i është përgjigjur deputetja e VV-së, Drita Millaku.
Berisha përmes një postimi në Facebook, iu ka premtuar dy partive opozitare në Kuvend se arrijnë t’i bëjnë 60 vota për ta rrëzuar qeverinë, vota e tij do të jetë e 61-ta.
Kësaj ftese i është përgjigjur deputetja e VV-së, Drita Millaku, duke i kërkuar Berishës, që të bëhen bashkë e ta fitojnë Prizrenin.
Postimi i deputetes Millaku:
“Zafir Berisha paska kerku që ti bëjmë 60 vota e ta rëzojmë qeverinë.
Përgjigje: Zafir nëse e ke seriozisht hajde bëhemi bashkë ia fillojmë nga Prizreni” (sic.), ka shkruar Millaku. /Telegrafi/