Ministria e Arsimit ka paralajmëruar që në rast se do të ketë vonesa në shpërndarjen e librave për filloristët, në vitin e ri shkollor 20142015, përgjegjësia do t’u mbetet drejtorive komunale të arsimit, shkruan sot Koha Ditore.
Zyrtarë të lartë të kësaj Ministrie kanë thënë se rreth 70 për qind e komunave të Kosovës nuk i kanë dorëzuar ende raportet për numrin e librave që i kanë në stoqe dhe ata që duhet të blihen të rinj, për nxënësit e viteve të para të shkollimit, që nga klasa e parë deri në të nëntën. Ata kanë akuzuar drejtoritë komunale të arsimit për neglizhencë të këtij procesi.
Por këtyre akuzave u janë kundërpërgjigjur zyrtarë të komunave, duke thënë se procesi është vonuar për faj të vetë Ministrisë.
Alush Istogu, drejtor i Arsimit Parauniversitar në MASHT, ka thënë se kjo Ministri e ka bërë një plan dinamik të punës për fillimin e vitit shkollor 2014/2015, ka formuar grupet punuese për mbledhjen e të dhënave dhe mbikëqyrjen e procesit, si dhe i ka kryer procedurat e veta me kompanitë që merren me prodhimin dhe furnizimin e librave. Sipas tij, janë lidhur kontrata me katër kompani që i furnizojnë nxënësit me tekste dhe se po pritet vetëm t’u dorëzohen të dhënat se sa libra duhet të prodhojnë dhe të shpërndajnë.