Quentin Tarantino ka zbuluar se Ennio Morricone, i konsideruar si një nga kompozitorët më të zotë të kësaj kohe, do ta realizojë muzikën e filmit të tij “Hateful Eight” – i cili është paralajmëruar se do të dalë në dhjetorin e këtij viti.
Me këtë film, Morricone rikthehet në Spaghetti Western për herë të parë pas katër dekadash.
Artisti italian, pos tjerash, ka bërë muzikën legjendare për filmat klasikë “The Good, the Bad and the Ugly”, “Once Upon a Time in the West” dhe “My Name is Nobody”.
Morricone dhe Tarantino duket se kishin përjetuar një çarje të rëndë në vitin 2013, kur kompozitori u tha studentëve të filmit në Romë se ky regjisor “vendos muzikën në filmat e tij pa koherencë”. Por, pa vonuar shumë, Morricone kishte thënë se ka një respekt të madh për Tarantinon dhe se është i kënaqur që ai zgjedh muzikën e tij. /Politiko.net/