Teatri Profesionist i Prizrenit, ka disa javë që ka filluar provat dhe po punon intenzivisht për realizimin e komedisë “Muaji i mjaltit” të autorit Osman Goranci. Regjinë e kësajë komedie është duke e bërë regjisori Ben Apolloni, kurse udhëheqës i projektit është Fetah Paçarizi.
Shfaqja rrëfen për një çift të sapomartuarësh që shkojnë në muajin e mjaltit por nga momenti që futen në hotelin që e kishin prenotuar muaj më parë, fillojnë telashet, fillojnë hallet e çiftit dhe duket se ëndrra e tyre për muajin e ëmbël të mjaltit fillon të idhëtohet. Komedia është e mbushur përplotë situata, karaktere e batuta komike.
Në shfaqje luajnë aktorët: Muhamed Arifi, Alban Cela, Florentina Ademi, Zana Duraku,Valmira Hoti, Albulena Bardhi dhe Enis Meta.
“Muaji i mjaltit” është premiera e dytë e sezonit teatror pranveror e Teatrit Porfesionist të Prizrenit, e cila pritet që para publikut të shfaqet në fillim të muajit qershor. /KultPlus.com/