Kandidati i PDK-së, Ramadan Muja dhe ai i LDK-së, Eqrem Kryeziu, do t’ia nisin garës për Prizren në të njëjtën ditë. Ata kanë vendosë që fushatën zgjedhore të hapin me 4 tetor.
Sekretari i PDK-së, Nijazi Kryeziu tha se PDK-ja do të hapë fushatën zgjedhore me 4 tetor. “ Fushatën zgjedhore do ta hapim me 4 tetor. Ende nuk e kemi caktuar vendin se ku do të mbahet”, tha Kryeziu për “PrizrenPress”. Ai tha se shumë shpejt do të caktohet edhe vendi se ku do të hapet fushata zgjedhore.”Të gjithë qytetarët do të njoftohen me kohë se në cilin vend do të hapim fushatën”, tha Kryeziu.
Edhe kandidati i LDK-së, Eqrem Kryeziu fushatën zgjedhore ka vendosë që të fillojë me 4 tetor. Ai është përcaktuar që fushatën të fillojë nga “Shatërvani”. “ Manifestimin e hapjes së fushatës zgjedhore të LDK-së, Dega në Prizren mbahet më 04.10.2013(e premte) në sheshin “Shatërvan””, thuhet në njoftimin e LDK-së. /PrizrenPress.com/