9.8 C
Prizren
E premte, 29 Mars, 2024

Mustafa: Ata me ambicie personale kërkojnë ndryshime në udhëheqje

IsaMustafa-LDKLideri i Lidhjes Demokratike të Kosovës, Isa Mustafa ka përsëritur vlerësimin e tij se LDK është fituese e zgjedhjeve lokale të mbajtura vitin e kaluar.

Në një intervistë për “Bota press” Isa Mustafa gjithashtu ka folur edhe për zërat e ndryshëm që kërkojnë ndryshime në udhëheqjen e LDK-së në këtë kohë.

”Padyshim se është interes i rivalëve politik që në prag të zgjedhjeve të zhvendosen probleme në LDK. Mendoj se zërat për ndryshme në udhëheqjen e LDK-së në këto momente, nuk i ndihmojnë fitores së LDK-së dhe nevojës që në vendin tonë të bëhen ndryshime pozitive.

Prandaj, qofshin apo jo të porositura ato krijojnë konfuzione dhe paqartësi. Këta nuk janë zëra që burojnë nga anëtarësia e gjerë Lidhjes Demokratike të Kosovës, por janë iniciuar nga individë që kanë ambicie personale, e të cilat mund t’i matin në zgjedhjet partiake, që do të mbahen në fund të këtij viti.

Disa eksponent të këtyre zërave janë njerëz që kanë ikur nga LDK-ja, të cilët kanë konkurruar në fushata kundër LDK-së. LDK është parti me demokraci të brendshme të zhvilluar, atë nuk e pengojnë zërat që kërkojnë ndryshime, por ndryshimet në LDK bëhen si rezultat i një konkurrence demokratike mbi baza dhe rregulla statutare, në harmoni me interesat e anëtarësisë së gjerë dhe politikat partiake”, ka thënë Mustafa.

Më Shumë

Paraburgim për dy të dyshuarit për dhunimin e të miturës nga Prizreni

Gjykata Themelore në Prizren ka caktuar masën e paraburgimit ndaj dy të dyshuarve për dhunimin e një vajze të mitur. Të dyshuarit thuhet se janë...

Kurti përkujton masakrën nga forcat serbe në Suharekë dhe Krushë të Madhe e të Vogël

Kryeministri i vendit, Albin Kurti ka shkruar sot në 25-vjetorin e masakrës nga forcat serbe në Suharekë dhe Krushë të Madhe e të Vogël,...

Lajmet e Fundit