3.8 C
Prizren
E martë, 31 Janar, 2023

Mustafa: Kemi të drejtë ta formojmë grupin e përbashkët parlamentar

Limaj-Mustafa-Haradinaj14Lideri i LDK’së, Isa Mustafa, pas takimit me Ramush Haradinajn e Fatmir Limajn, ka thënë se kanë të drejtë ta formojnë një grup të përbashkët parlamentar dhe rrjedhimisht ta marrin edhe pozitën e Kryetarit të Kuvendit.

(E plotësuar) “Kemi të drejtë ta formojmë grupin parlamentar të përbashkët, dhe do ta bëjmë”, ka thënë Mustafa.

Pastaj ka treguar se çka tjetër kanë folur me udhëheqësit AAK’së dhe Nismës.

“Diskutuam poashtu edhe çështjet programore, të cilat e forcojnë bazamentin e qeverisjes sonë, në periudhën e ardhshme katër vjeçare dhe çështje të tjera të cilat vijnë pas certifikimit të deputetëve të Kuvendit të Republikës së Kosovës”, ka thënë Mustafa, pas takimit.

“Biseduam lidhur me përgatitjen e seancës së Kuvendit, lidhur me qasjen e grupit të përbashkët parlamentar në mbledhjen konstituuese të Kuvendit të Republikës së Kosovës..”, ka shtuar ai.

Ndërkohë, Haradinaj dhe as Limajn nuk kanë folur pas takimit.

Konsultimet e fundit të Bllokut Opozitar – mblidhen në Selinë e LDK’së

Liderët e Bllokut Opozitar, LDK-AAK-Nisma, do të takohen sot në mesditë në Selinë e LDK’së, te Qafa në Prishtinë, për të diskutuar hapat e fundit përpara konstituimit të Kuvendit të ri të Kosovës.
Burime të Gazetës Express thonë se Isa Mustafa, Ramush Haradinaj dhe Fatmir Limaj do të disktojnë për konstituimin e Kuvendit të ri, e ku tri partitë do të jenë pjesë një grupi parlamentar.

“Sot tri partitë përfaqësohen me nga tre anëtarë secila. Nesër, ndërkaq, takimit i bashkohet edhe Albin Kurti me dy përafaqësues të Lëvizjes Vetëvendosje”, ka thënë burimi i Gazetës Express.

Deri më tash, kanë dështuar të gjitha përpjekjet e Hashim Thaçit për ta ndarë Bllokun Opozitar.

Më Shumë

Lëndohet një punëtor në vendin e punës në Korishë të Prizrenit

Në fshatin Korish të Prizrenit, një person derisa po punonte, ka rënë nga lartësia. Viktima është dërguar në spital për trajtim mjekësor dhe në vend...

Zidane mund të kthehet në Real Madrid në të ardhmen

Legjenda franceze e futbollit, Zinedine Zidane, mund të kthehet sërish në Real Madrid. Sipas The Athletic, ai është favorit për ta marrë drejtimin e klubit...

Lajmet e Fundit