Lideri i LDK-së Isa Mustafa, nuk e ka pritur mirë vendimin e Presidentes Jahjaga për të refuzuar kërkesën e LAN që ajo t’i kërkojë sqarim Kushtetueses për nenin 127.
Mustafa përmes një postimi në Facebook, indirekt dhe pa përmendur emra konkret ka thënë se PDK-së dhe Presdiendentes Jahjaga u janë djegur kartat, të cilët sipas tij po mundohen që vendimin e Gjykatës Kushtetuese ta përdorin për të detyruar një marrëveshje politike për të ruajtur interesat e partisë në pushtet.
“Karta e LDK-së dhe partnerëve të koalicionit është vota, me të cilën disponojnë. Kartat iu kanë djegur atyre që nuk kanë vota dhe atyre që nuk tregojnë vullnet ta sqarojnë mundësinë që deputetët me e gjete mënyrën për të konstituar Kuvendin e Kosovës dhe të cilët Vendimit të Gjykatës Kushtetuese i japin karakter të një letre për marrëveshje politike ndërmjet liderëve, duke pretenduar të ruajnë interesat e partisë në pushtet”, ka shkruar Mustafa.