Punonjësit e aeroporteve kohë pas kohe largojnë macet e rakunët nga pistat e aeroplanëve, por breshkat janë të rralla.
Megjithatë breshkat në pistat e aeroplanëve nuk do të mund të “pushojnë”, por një e tillë ka arritur të shëtitet nëpër asfalt në aeroportin më të madh në Japoni – madje ka detyruar autoritetet përkatëse që të shtyjnë fluturimin e pesë aeroplanëve, transmeton Telegrafi.
Breshka që peshonte rreth dy kilogramë, është parë duke u larguar nga pista në aeroportin ndërkombëtar Nartia në afërsi të Tokios, ku piloti po bënte përgatitjet e fundit për fluturim.
Punonjësit larguan breshkën me ndihmën e një rrjete dhe u siguruan që në 4.000 metra katrorë tjera nuk ka ndonjë kafshë tjetër – duke bërë që pesë fluturime të shtyhen për 15 minuta.
Një prej aeroplanëve që e goditi “shtyrja” është i All-Nippon Airways, që në trup të fluturakes ka të vizatuara breshka të bardha dhe të kaltra që u prezantuan muajin e kaluar në Havai, pasi që atje breshkat konsiderohen kafshë të shenjta.
