(E plotesuar) Pas takimit me Isa Mustafën dhe Ramush Haradinajn në koktejin e organizuar nga Ambasada Amerikane, Hashim Thaçi tha se nuk diskutuan për politikë.
“Ka qenë një ndejë private dhe pa asnjë temë politike’, tha Thaçi.
Detaje nga takimi Jahjaga, Thaçi, Mustafa e Haradinaj
Në pritje të Ambasadës Amerikanë për nder të vizitës së senatorit amerikan janë takuar lideri i PDK-së, Hashim Thaci, ai i LDK-së, Isa Mustafa, ai i AAK-së, Ramush Haradinaj dhe presidentja e vendit, Atifete Jahjaga, mirëpo asgjë nuk ka ndyrshuar nga qëndrimet e partive. Kështu kanë bërë të dirtur burime të Gazetës Blic brenda takimit.
“Në Hamam në ndejë të Ambasadës Amerikane kanë qenë presidentja, Mustafa, Thaci dhe Haradinaj. Janë takuar në këmbë dhe takimi ka zgjatur 10 minuta dhe janë konfirmuar pozicionet”, ka thënë ky burim i Gazetës Blic brenda takimit.
“Edhe Isa Mustafa edhe Ramush Haradinaj i kanë rikonfirmuar qëndrimet e tyre”, tha ky burim.
Në takim sic merret vesh kanë qenë pos liderëve edhe: Lutfi Haziri, Haki Demolli, Petrit Selimi, Ardian Gjini dhe Burim Ramadani.
“As ambasadorja e as senatori nuk kanë qenë në takim kur u bisedua. Mirëpo, ka qenë një pjesë e madhe e stafit diplomatik. Takimi nuk ka qenë i planifikuar”, tha ky burim.
Senatori Murphy mbledh liderët
Liderët e partive politike në vend janë takuar sonte në njërën nga kafiteritë e Prishtinës.
Takimi ndodh në kuadër të një ndeje ambasadës amerikane dhe senatorit amerikan që po zhvillon vizitë në Kosovë Chris Murphy.
Në ndejë të pranishëm përveç presidentes Jahjaga ishin edhe Hashim Thaçi, Isa Mustafa dhe Ramush Haradinaj.
Ndërkohë në takim nuk shkoi askush nga NISMA.
Isa Mustafa tha se e ka takuar të parin e PDK’së Hashim Thaçi por se me të nuk ka folur për politikë.
“Po u përshëndeta edhe me Thaçin, por nuk folëm për politikë”, tha Mustafa për Indeksonline.
Në këto çaste po takohen Thaçi dhe Mustafa
Lideri i PDK’së Hashim Thaçi dhe ai i LDK’së Isa Muastafa janë në një takim në njërën nga kafiteritë e kryeqytetit, raporton Express.
Takimi vjen pas takimit të sotëm të presidentes me senatorin amerikan Chris Murphy.
Dyshja po zhvillojnë takimin në kuadër të një kokteji të organizuar nga Ambasada Amerikane derisa Express pas pak ju sjell më shumë hollësi.